MALETA IBILTARIA ANTTONEN ETXETIK PASA DA

Maleta ibiltaria astebetez Anttonen etxean egon da bere familiarekin. Irakurri dugunez primeran pasa dute eta gogotsu aritu dira maletarekin. Poz-pozik entzun dugu gaur Anttonek esandakoa, besteok noiz jasoko zain gaude, baina oraingoan.... Aioraren txanda da.

MATTIN ETA ENARAREN URTEBETETZEAK

Gaurkoan gure Mattinen urtebetetze eguna gogoratuko dugu. Urrian ospatu genuen eta lehenengoa izatearen emozioa sentitu genuen gelan... marrazki erraldoia egitea erabaki genuen opari moduan, bera bezain handia. Hona hemen egun horretako argazkiak. ZORIONAK MATTIN.

Atzo Azaroak 9, bigarren urtebetetzea ospatzen aritu ginen, Enarak 3 urte egin zituen eta gelan sekulako festa izan genuen goiz goizetik. Berak, atzo, guztion marrazkiak eta gelako argazkia eraman zituen, sabela ere bete genuen, beraz, ez harritu goserik gabe iritsi baginen etxera, bizkotxo bikaina prestatu ziguten eta errepikatzeko beharra sentitu genuen. ZORIONAK ENARA.

HIRU TXERRITXOAK - ANTZERKIA

-ONGI ETORRI-

Kaixo familia

Badakizu zer?
Orain txikia ikusten nauzuen arren, gauza handiak egiteko gai izango naiz.

Horregatik, ni eta nire lagunetaz, bizitako esperientzi eta jolasez, egindako artelanez... arro egotea nahi dut, horregatik blog honetan egiten dudan guztia ikusteko aukera izango duzue. Irrikitan aterako naiz, etxera heldu eta egin dudan guztia elkarrekin ikusteko eta azaltzeko.

Zuek ere, nire eguneroko parte izatera gonbidatzen zaituztet, etxean zein eskolan egindakoak konpartituz eta ekintzak elkar eraikiz.

Musu eta besarkada handi bat.